Давид Силва откри зошто го одбил Лацио

Давид Силва го избра Реал Сосиедад наместо Лацио иако клубот од Рим имаше договор со екс фудбалерот на Манчестер Сити.

Клубот на Рим веќе објави дека легендарниот шпански фудбалер доаѓа во клубот и сè беше подготвено за потпишување на договорот. Сепак, и тие останаа во шок откако го видоа Силва во дрес на Реал Сосиедад. 

Шпанецот сега конечно објасни зошто го избрал Сосиедад пред италијанскиот клуб.

„Имав бројни понуди, но го избрав Реал Сосиедад бидејќи се вклопува во моите карактеристики. Семејството исто така имаше удел во мојот избор. Нивната одлука беше клучна“, изјави Силва.