ГРК Тиквеш доби силен спонзор од својот град

Екипата на ракометниот суперлигаш Тиквеш од Кавадарци се пофали со нова соработка за следната сезона.

Имено, нов генерален спонзор на клубот ќе биде познатата компанија која исто така потекнува од Кавадарци. Во прашање е винарската визба „Тиквеш“. Според објавата на социјалните мрежи постигнат е договор за соработка во текот на 2024 година, не е познато дали истата би продолжила.

Тиквеш минатата сезона успеа да обезбеди европски настап и играше во ЕХФ Купот каде што беше поразен од Кремс од Австрија, иако славеше на првиот натпревар во Кавадарци.