Готово: Мурињо донесе засилување од 60 милиони

Како што пренесуваат англиските медиуми постигнат е договор помеѓу Тотенхем и Бенфика за младата португалска ѕвезда, Жедсон Фернандеш.

За Фернандеш интерес покажуваа неколку клубови од Премиер лигата, но на крајот Мурињо ја победи конкуренцијата и Португалецот ќе пристигне во северен Лондон.

Фернандеш минатата сезона блесна во дресот на Бенфика, па неговите партии не останаа незабележани од големите европски клубови.

Манчестер Јунајтед, Челзи и Вест Хем се бореа за неговиот потпис, но Мурињо ги искористи добрите односи со Бенфика и неговиот агент, па ја доби трката за неговиот потпис.

Тотенхем постигна договор со Бенфика за 18-месечна позајмица, а Тотенхем потоа ќе има опција да го откупи за 60 милиони евра.