Го чека многу работа: Покетино ја започна епизодата во Челзи

Aргентинскиот стратег МаурисиGо Покетино денес го имаше својот прв работен во Челзи откако пред неколку недели беше потврдено дека тој ќе биде новиот предводник на „сините“.

Покетино доаѓа во Челзи каде што го чека многу работа, Челзи зад себе има очајна сезона во која не успеа да се избори за настап во ниту едно европско натпреварување и покрај тоа што беа потрошени над 600 милиони евра во последните два преодни рока.

Летово засега гледаме повеќе заминувања, очигледно се „чисти вишокот“, а сега Покетино ќе започне со составување на тим за наредната сезона.

Дефинитивно ќе биде предизвик за Покетино да го врати Челзи на победничките патеки. Пред Челзи, Покетино на Островот работеше во Саутемптон и Тотенхем.

This is where it starts. 👊#WelcomePoch pic.twitter.com/scmF0ThuON

— Chelsea FC (@ChelseaFC) July 3, 2023