Германската легенда: Националните првенства се досадни, се надевам дека наскоро ќе гледаме Суперлига

Легендарниот германски голман Оливер Кан во интервју за „Билд“ ја нарече германската Бундеслига досадна.

Имено, Кан кој долго време го носеше дресот на Баерн Минхен, смета дека за германскиот фудбал не е добро тоа што Баерн веќе неколку години рутински ја освојува титулата во Бундеслигата.

„Бундеслигата е прелесна за Баерн и од година во година ништо не се менува, само изгледа дека нив им станува се полесно и полесно“, истакна Кан.

Тој смета дека спасот е во натпреварување во кое би учествувале најдобрите европски клубови. Но, не во формат како што е Лигата на шампионите, туку како класично првенство кое го нарече Суперлига.

„Националните шампиони стануваат се подосадни. Се надевам дека наскоро ќе гледаме Суперлигата во која ќе учествуваат најдобрите клубови од Европа“, истакна Кан.