Гвардиола за прославата во Сити: Најдобар момент беше кога пристигна пицата

Стратегот на Манчестер Сити, Пеп Гвардиола потврди дека неговите фудбалери ја прославиле освоената титула во Премиер лигата.

Сити во вторникот и официјално стана шампион на Англија откако Лестер го победи Манчестер Јунајтед со 1:2 на „Олд Трафорд“. Гвардиола сега имаше интересен коментар за прославата.

„На прославата убаво си поминавме. Сите пристигнавме во нашиот „меур“, се беше безбедно. Пиевме, танцувавме, славевме…Најдобриот момент беше кога во 23:30 часот пристигна пицата. Не знам зошто на прославите во Англија се пие само алкохол, нема храна. Затоа пристигнувањето на пицата беше најдобар момент“, изјави Шпанецот.