Гвардиола го отпиша – Арсенал и Ливерпул го сакаат!

Голманот на Манчестер Сити, Џо Харт кој е на позајмица во Торино оваа сезона, на лето ќе се врати на „Етихад“, но готово сигурно нема да остане меѓу „граѓаните“.

Англиските медиуми тврдат дека Џо Харт е на мета на неколку премиерлигаши, а Гвардиола нема проблем да го пушти во некој од дирекните конкуренти за титулата.

Најсилен интерес во моментов покажуваат Ливерпул и Арсенал. „Црвените“ бараат замена за Мињоле и таму сигурно Харт би бил прв голман, додека во Арсенал ќе мора да се бори со Петр Чех.

Сепак, сите клубови кои го сакаат Харт во своите редови мораат да спремат 100.000 фунти неделно, бидејќи толку изнесува неговата плата во Сити.