Во Саудиска Арабија отворена истрага против Роналдо

Саудиската лига отворила истрага против Кристијано Роналдо за неговиот последен потег по победата на Ал Наср против Ал Шабаб од 3:2.

Ал Наср на гостински терен славеше против Ал Шабаб со 3:2 во рамките од 21. коло во саудиската лига. Спорниот момент се случи по завршувањето на натпреварот.

Откако натпреварот заврши следуваше големо славје на гостите, а домашните навивачи го провоцираа Роналдо со скандирањето на името на неговиот најголем ривал. Лионел Меси. Португалецот тоа не го прифати најдобро и им одговори на навивачите со фаќање за меѓуножјето.

Поради ваквото однесување саудијците денес објавија дека е отворена истрага против Роналдо кој е обвинет за „неморал“. Дисциплинската комисија одлуката би требало да ја донесе во наредните два дена.

Messi has ruined Ronaldo’s mental health😭😭pic.twitter.com/0fGxKNX5jJ

— J☔ (@Shadygize) February 25, 2024