Во Барса навистина се случило нешто: Сетиен јавно се извини

Во медиумите неодамна се појавија информации дека играчите на Барселона имаат проблем со помошникот на Сетиен, Едер Сарабија.

Сарабија е човек кој има по малку ексентрично однесување, па знаел на тренинзите и натпреварите да го истури бесот на играчите и да вика по нив, а тоа ги налутило играчите, се пишуваше и дека Меси имал расправија со него поради таквото однесување.

Дека нешто навистина се случило потврдува и последната изјава на Сетиен.

„Не смее да се однесува на тој начин, такви работи нема да се повторат. Имиџот на клубот секогаш е најважен. Понекогаш е добро, но Едер на моменти знае и да претера. Тој е човек кој знае да ги мотивира играчите, меѓутоа понекогаш и ја губи контролата“, изјави Сетиен.

Инаку, Сетиен со Сарабија соработува веќе пет години.