Видео: Наполи незадржлив – падна и Каљари

Наполи има перфектен старт на сезоната во Серија со максимални седум победи, а денес против Каљари уште еднаш потврдија дека се сериозни кандидати за Скудетото.

Марек Хамшик уште во четвртата минута го отвори резултатот, а Мертенс од пенал зголеми на 2-0 пред крајот на првиот дел. На самиот почеток на второто полувреме Кулибали зголеми на 3:0 со што на крајот се испостави како конечен резултат.

Наполитанците сега се сами на челната позиција и ќе чекаат кикс на Јувентус кој вечерва има незгодно гостување во Бергамо против Аталанта.