Веќе се најавува клубот во кој Роналдо ќе ја заврши кариерата

Очекувањата во фудбалската јавност се Кристијано Роналдо по завршувањето на Светското првенство во 2026 година да објави крај на кариерата. Веќе се шпекулира и кој би можел да биде неговиот последен клуб.

Во Саудиска Арабија Роналдо пристигна на 37-годишна возраст и во Ал Наср добива плата од 200 милиони евра по сезона. Неговиот договор е со важност до 2025.

Медиумите пренесуваат дека Ал Наср ќе се обиде да го убеди Роналдо кариерата да ја заврши во саудискиот тим, не се исклучува можноста Роналдо и да купи акции во овој тим.

Постоеа најави дека за крај Роналдо ќе заигра во Спортинг Лисабон каде што започна, но шансите за такво нешто стануваат се помали.