Велс ја победи „анемичната“ Турција🎥

Репрезентацијата на Велс славеше против селекцијата на Турција со 2:0 во второто коло од групата А.

Велс беше подобра селекција од самиот старт и Рамзи ја имаше првата голема шанса уште во почетните минути.

Клучниот момент се случи пред крајот на првиот дел , односно во 41.минута кога Арон Рамзи на феноменална асистенција на Герет Бејл остана сам пред голманот и лесно го матираше.

Бејл се посрамоти во 61-та минута и промаши пенал, но Турција не успеа да го казни промашувањето. Во последната минута Робертс ги постави конечните 2:0.