Вардарци спасувале патник на летот кон Виена

Ракометниот тим на Вардар отпатува во Виена каде што утре македонскиот и европскиот шампион ја започнува одбраната на титулата против тимот на Висла Плоцк, но во ракометарите како и сите во авионот биле сведоци на една невообичаена ситуација.

Авионот полетал, но само неколку моменти подоцна анонимен патник колабирал, но за среќа на помош пристигнале физиотерапевтите на европскиот шампион Димитар Маневски и Виктор Стојанов, сооптшуваат од клубот.

Вардарците одлично си ја завршиле работата, па наскоро на патникот му била вратена свеста, па пилотот можел безбедно да го продолжи летот, за по пристигнувањето на авионот во Виена тој да биде превземен од медицински тим на аеродромот.

Вардар натпреварот против Висла Плоцк како што кажавме го игра утре со почеток во 19:30 часот.