Ливерпул и Тотенхем во сабота ќе го играат финалето од Лигата на шампионите во Мадрид и тоа ќе биде нова прилика за Јирген Клоп да го освои првиот трофеј со „црвените“.
Улични кучиња: Системски или човечки проблем? | Уште еден поткаст
Фаворит на оваа средба е минатогодишниот финалист во ова натпреварување, а стоперот на овој тим Вирџил Ван Дијк финалето го гледа и како отварање на борба за дополнителни два трофеи.
Ливерпул ја изгуби трката во Премиер лигата со Манчестер Сити и не ја освоија титулата која овој клуб ја чека 29 години, иако беа толку блиску (еден бод помалку од Сити).
„Не размислуваме за тоа како ја изгубивме Премиер лигата за само еден бод или како изгубивме во финалето од Лигата на шампионите минатата година. Не е вредно да се зборува за тие работи. Размислуваме само за тоа да одиграме најдобро што знаеме“, изјави холандскиот стопер и продолжи:
„Некаде прочитав дека ако ја освоиме Лигата на шампионите, следните два натпревари се Комјунити Шилд и УЕФА Суперкупот. Според тоа можеме да освоиме три трофеи во три натпревари. Тоа е нешто кон кое целиме“, порача Ван Дијк.
Ливепрул со евентуалниот триумф во финалето ќе ги залечат (колку-толку) раните од поразот во минатогодишното финале и загубената трка во Премиер лигата, а дали ќе успеат во тоа или Тотенхем ќе им нанесе уште еден удар ќе дознаеме во сабота.
Учество во игри на среќа е дозволено за лица со 18+ години. Играј одговорно!