Брера продаде играч во Украина за рекордна оштета

Димитар Трајков од редовите на Брера Струмица ќе стане нов играч на ФК ,,Полисја“ од Житомир Украинa,

Трајков успешно ги заврши медицинските прегледи во овој град и го потпиша преддоговорот со новиот клуб. Напаѓачоот во редовите на ,,Полисја“ ќе премине за рекордно обештетување во историјата на некогашна Академија Пандев, денес Брера Струмица.

По потпишаниот договор во Украина Трајков ќе се врати во Струмица каде што ќе се поздрави со своите соиграчи и на 1. јули ќе ги започне подготовките со новиот тим.

„Среќен сум што станувам нов играч на „Полисја“. Во овие три дена се уверив дека овој клуб е вистинскиот за продолжување на мојата кариера и дека овде сериозно ќе сметаат на мене во иднина. Но сепак, се зависи лично од мене. Јас сум подготовен да работам многу повеќе и да го дадам максимумот за новиот клуб. Благодарен сум на Горан Пандев и сите луѓе од ФК Брера Струмица за убавите поминати години во Струмица“, изјави Трајков.