Бонучи по одлуката на судот: Го добивме тоа што го заслуживме на терен

Денес арбитражниот суд во Лозана ги израдува „росонерите“ , укинувајќи им ја казната која предвидуваше забрана за играње во Европа во една од следните две години (во зависност кога ќе се пласираат).

Откако Милан ја доби ригорозната казна одлучи да испрати жалба до судот во Лозана, а како што споменавме одлуката беше донесена денес и истата одеше во корист на италијанскиот гигант.

Набрзо по одлуката на судот на својот Твитер профил се огласи капитенот на Милан, Леонардо Бонучи.

„Го добивме тоа што го изборивме на терен“, гласеше твитот на капитенот на „росонерите“.

Riconquistato ció che avevamo raggiunto sul campo.

— Leonardo Bonucci (@bonucci_leo19) July 20, 2018

Да потсетиме, токму Бонучи на големо се поврзуваше со заминување од Милан, но сепак ваквата одлука би можела да биде причина да продолжи да го носи дресот на „росонерите“.