Болт: Ако се тркаме со Роналдо денес ќе ме победи

Поранешниот спринтер Усаин Болт важи за вистинска легенда во спортот, неговите рекорди се уште стојат и тешко дека во блиска иднина некој ќе ги сруши.

Јасно е дека и поради годините и поради тоа што сигурно не тренира како порано Болт денес не е во форма како некогаш, па новинарите на „Марка“ го запрашаа кој би победил од него и Кристиано Роналдо ако се тркаат денес.

„Сигурно ќе победи Роналдо. Работи напорно секој ден, тој е еден неверојатен спортист. Верувам дека ме разбирате…Работи напорно и е фокусиран, па така сигурен сум дека во моментов ќе биде побрз од мене“, изјави Болт.

Болт крај на кариерата стави во 2017 година.