Боатенг изненади со изборот на новиот клуб

Некогаш големата ѕвезда Кевин Принс Боатенг кариерата ќе ја продолжи во Серија Б.

Искусниот 33 годишен офанзивец се договори со новиот второлигаш во италијанскиот фудбал Монца и ќе ги засили редовите на овој тим кој го предводи славниот Силвио Берлускони.

Берлускони сака што побрзо Монца да биде дел од Серија А затоа и пристигнуваат засилувања, а Боатенг е уште еден во низата.

Претходно Монца издвои 4.5 милиони евра за Мирко Маркиќ, пристигна талентираниот Бразилец од Коринтијас Карлос Аугусто…Тоа се само дел од неколкуте засилувања.

Јасно е дека Монца не сака само да биде учесник во Серија Б и нема да биде изненадување ако уште оваа сезона се борат за место во најсилната италијанска конкуренција.

Кога е Боатенг во прашање тој минатата сезона играше за Бешикташ на позајмица од Фиорентина. Во неговата богата кариера настапуваше за екипи како што се: Барселона, Милан, Борусија, Тотенхем…

#Boateng will join @ACMonza today, again with @berlusconi and #Galliani after @acmilan experience #transfers @SkySport @SkySportsNews

— Gianluca Di Marzio (@DiMarzio) September 24, 2020