Блинд: Оставете го Ериксен на мир, и за мене сите викаа дека кариерата е завршена

Кристиан Ериксен доживеа срцев удар за време на натпревар на ЕП, докторите му го спасија животот и сега е во стабилна состојба.

Ериксен беше опериран и му беше вграден ектричен дефибрилатор, па многумина тврдат дека неговата кариера е завршена.

Така не мисли холандскиот репрезентативец Дени Блинд, кој помина низ слични проблеми.

„По мојот инцидент, цел свет рече дека мојата кариера е завршена. Погледнете ме каде сум сега. Треба да го оставите на мир. Ми пречи кога луѓето тврдат дека неговата кариера е готова. Не знаете колку е тешко да се слушне тоа“, изјави Блинд.