„Бисерот“ на Барселона доби повик за Шпанија

Селекторот на Шпанија Луис Де Ла Фуенте денеска го соопшти списокот на фудбалери кои ќе бидат во комбинација за претстојните натпревари.

На него за првпат се најде и Пау Кубарси, 17-годишен фудбалер на Барселона, кој игра на позицијата стопер, а роден е на 22. јануари 2007 година во околината на Жирона.

17-годишниот дефанзивец дебитираше за Каталонците во јануари и оттогаш се наметна во тимот на Чави Ернандез.

Прв повик доби и Вивијан, стоперот на Атлетик Билбао, додека во националниот тим се враќаат Сарабија, Морено и Баена.