Анчелоти има проблем со наследникот на Модриќ?

Тинејџерската сензација Едуардо Камавинга минатото лето пристигна од Рен во Реал Мадрид за 30 милиони евра за да го наследи Лука Модриќ.

Камавинга има голем талент, но во последно време игра лошо, а тоа го натера „АС“ да го критикува младиот фудбалер.

Шпанскиот медиум во текстот „Камавинга не може да се контролира“ пишува дека Карло Анчелоти се уверил во тоа дека младоста не носи само свежина, туку и проблеми во тимот.

Киксот на Реал против Осасуна во минатото коло (0-0) на домашен терен беше втор меч по ред во кој Камавинга беше заменет на полувреме.

Камавинга стана втор најчесто казнуван фудбалер во топ-5 лигите затоа што жолт картон добива на секои 60 минути, а пред него е само Матеус Куна од Атлетико Мадрид, кој добива жолт картон на секои 56 минути.