Алиоски го напушта Лидс како слободен агент

Македонскиот репрезентативец Езѓан Алиоски на лето најверојатно ќе го напушти Лидс и веќе е во потрага по нов клуб.

Договорот на Алиоски со Лидс истекува на крајот на сезоната, а преговорите за продолжување на соработката пропаднале.

Според последните информации од Англија, Алиоски веќе им најавил на неговите агенти да му бараат нов клуб.

Алиоски во неколку наврати истакна дека негов приоритет е останување во Лидс, но очигледно двете страни не можат да најдат заеднички јазик.

Македонскиот репрезентативец е стандарден првотимец во Лидс, а со оглед на фактот дека ќе биде слободен агент, сигурно нема да му биде тешко да си најде нов клуб.