Алегри бара промена на правилото: Не може да се поништува гол поради коса

Јувентус вчера ја победи Фиорентина во Серија А и овој натпревар беше одлучен со голот на Адриен Рабио во 34-тата минута.

На натпреварот во Торино видовме два постигнати гола, по еден на двете страни. За Јувентус беше поништен голот на Влаховиќ во 59-тата минута, а за Фиорентина голот на Кастровили во 90-тата.

Поништениот гол на Јувентус донесе реакција кај тренерот Алегри кој порача дека не може гол да се поништува поради коса.

„Мислам дека не е во ред да поништуваме голови кога косата е во офсајд. Тогаш треба сите да ја имаме мојата фризура“, изјави Алегри.

Во медиумите се појавија и шпекулации дека ФИФА работи на овој проблем, а ќе видиме дали правилото и понатаму ќе остане такво.