Звезда на Милан не обрнува внимание на интересот на Сити и Реал

Милан и играчот од средниот ред на тимот Тијани Рајндерс немаат никаква намера да се разделат во текот на летото и покрај интересот на Манчестер Сити и Реал Мадрид кон играчот, пишува „Гадзета дело Спорт“.

Холандскиот репрезентативец е еден од најдобрите фудбалери на „росонерите“ во тековната сезона со своите 14 голови и 3 асистенции во 46 натпревари во сите натпреварувања.

Неверојатниот напредок оваа сезона го привлече вниманието на шампионите на Англија и Шпанија, кои биле подготвени да започнат преговори уште во летото.

Од „граѓаните“ дури испраќале и скаути да ги следат натпреварите на 26-годишниот играч. Но, тој сака да остане во миланскиот гигант, каде што неодамна му се оддолжија со нов договор до 2030 година.