Oфицијално: Грем Потер се врати во Премиер лигата!

По неколку дена преговори, дури и додека поранешниот тренер беше во клубот, Вест Хем има нов шеф на стручниот штаб. „Чеканите“ во продолжение на сезоната ќе ги предводи Грем Потер.

Англискиот стратег доаѓа на „Лондонскиот стадион“ како замена за Хулен Лопетеги кој не ги исполни очекувањата.

Потер од април 2023 година немаше работа, а до тогаш беше тренер на Челси. Не се прослави на „Стенфорд Бриџ“, но пред тоа се истакна во Брајтон, Свонси и шведскиот Естерсунд.

Потер ги договори сите услови со раководството на „Чеканите“ и ќе потпише договор на две и пол години. Познати се и членовите на стручниот тим со кој Потер ќе соработува, а тоа се Нарсис Пелах, Били Рид и Бруно Салтор.

Потер ќе ја има можноста да дебитира на клупата на Вест Хем веќе во петок, во натпреварот против Астон Вила во рамките на ФА Купот.