На крајот на оваа сезона, капитенот на Реал Мадрид, Дани Карвахал (34), ќе го напушти клубот. По 23 години поминати во клубот, од кои 13 во првиот тим, Реал и играчот се договорија за завршување на нивната соработка, затворајќи едно од најуспешните поглавја во историјата на мадридскиот гигант, соопшти Реал Мадрид.
Зошто проблемот со улични кучиња СÈ УШТЕ постои? | Уште еден поткаст
Во официјалното соопштение, Реал Мадрид искажува благодарност и восхит кон, како што го нарекуваат, една од најголемите легенди на клубот и светскиот фудбал. Карвахал е еден од само петте играчи во историјата на фудбалот кои ја освоиле титулата европски шампион шест пати, а беше дел од тимот што остави траен печат во златниот период на клубската историја.
Карвахал му се придружи на Реал Мадрид во 2002 година и го носеше дресот на клубот цели 23 сезони – десет во младинската академија и тринаесет во првиот тим. За тоа време, освои 27 трофеи: шест Лиги на шампионите, шест Светски клупски шампионати, пет Европски суперкупови, четири титули во Ла Лига, два Купови на кралот и четири Шпански суперкупови.
Тој има еден трофеј помалку од рекордерот на клубот, Лука Модриќ. По заминувањето на Модриќ од Реал минатата година, се очекуваше Карвахал да го надмине по бројот на трофеи. Но, по новата неуспешна сезона и неговото најавено заминување, Модриќ останува на врвот.
Претседателот на клубот, Флорентино Перез, исто така му се заблагодари на капитенот, истакнувајќи го значењето на Карвахал за клубот. “Дани Карвахал е легенда и симбол на Реал Мадрид и неговата младинска академија. Неговата слика заедно со нашиот сакан и незаборавен Алфредо Ди Стефано при полагањето на темелот за изградбата на Реал Мадрид ќе остане засекогаш во срцата на сите мадридисти и во историјата на нашиот клуб. Карвахал секогаш ги претставуваше вредностите на Реал Мадрид. Ова е и секогаш ќе биде неговиот дом”, порача Перез.
Учество во игри на среќа е дозволено за лица со 18+ години. Играј одговорно!