Во Шпанија вчера беше изведен од најчудните пенали

Еспањол и Жирона синоќа одиграа нерешено 1:1 во рамките на 27. коло на шпанската Ла Лига, а натпреварот го одбележа голот од пенал што во самиот финиш го постигна искусниот Кристијан Стуани.

Натпреварот во Барселона требаше да стави крај на 27. коло од Ла Лига, но тоа ќе се случи подоцна бидејќи натпреварот помеѓу Барселона и Осасуна сè уште треба да се одигра, бидејќи беше одложен во саботата.

Сепак, Еспањол и Жирона во малото каталонско дерби успеаја да понудат на љубителите на фудбалот возбудлива пресметка која заврши со поделба на бодовите.

Домашните можaт многу повеќе да жалат бидејќи водеа со 1:0 и изгледаше дека ќе стигнат до победа и три бода, но Жирона во самиот финиш на натпреварот успеа да извлече нерешен резултат.

Еспањол поведе со 1:0 во 49. минута кога Жофре погоди во мрежата на гостите откако беше одлично асистиран од Гонзалез.

Домашните се бранеа во продолжението, а одличен беше голманот Жоан Гарсија кој имаше неколку фантастични одбрани. Сепак, во 88. минута ни Гарсија не успеа да му помогне на својот тим.

Жирона успеа да избори пенал, а одговорноста од белата точка ја презеде Стуани кој изведе една од најчудните паненки кои сме имале можност да ги видиме.

Тој ужасно ја удри топката и воопшто не ја шутна како што сакаше, но на среќа на напаѓачот на Жирона таа заврши во мрежата на Еспањол за 1:1.

Паненката на Стуани за бод на Жирона на гостувањето против Еспањол можете да ја погледнете ТУКА.