Видео: Интер поведе по контроверзен корнер. Фановите: Ова е срамота

Во последниот натпревар од 24. коло на италијанската Серија А, милански Интер пред своите навивачи ја победи Фиорентина со 2:1 и на тој начин се реваншира за минатонеделниот пораз. Со оваа победа, а со неделното реми на Наполи против Удинезе, Интер се доближи до лидерот Наполи на табелата.

Сега ги дели само еден бод. Фиорентина пред овој пораз имаше серија од три победи во првенството и остана на шестото место на табелата. Интер поведе во 28. минута со малку среќа, но и по грешка на судијата кој досуди непостоечки корнер, бидејќи топката претходно излезе од теренот и Фиорентина требаше да добие гол-аут. По изведениот корнер, топката заврши во мрежата на гостите.

Фановите се разочарани

По оваа ситуација, многу фудбалски фанови одлучија да ги споделат своите фрустрации на социјалните мрежи, па некои коментари велат дека се работи за срамна одлука и дека судиите треба да бидат суспендирани. Еден навивач на Фиорентина, напиша дека Фиорентина требаше да го напушти теренот, како што направија играчите на Адана Демирспор против Галатасарај во недела. Спорната ситуација погледнете ја ОВДЕ.

🤯🟣 Така Интер постигна гол против Фиорентина. Срамота и недозволливо. La Penna и целиот тим на судии треба да бидат санкционирани. Серија А не може да си дозволи вакво нешто. pic.twitter.com/8Y3W6VfQID

— Álvaro Canibe (@_Alvarovic) February 10, 2025