Невиден скандал го потресе црногорскиот фудбал. Натпреварот од Втората младинска лига на Црна Гора помеѓу Стариот Аеродром и Беране беше прекинат во 71. минута поради жестока масовна тепачка на теренот.
Еден од фудбалерите на Беране, кој беше заменет за време на мечот, се преслекол и се упатил кон трибините. Сепак, кога на теренот започнала расправија меѓу играчите, тој ја прескокнал оградата, влегол на теренот и удрил фудбалер од противничкиот тим кој лежел на носилки.
Ова довело до масовна тепачка во која учествувале и родителите на фудбалерите, пренесува “РТЦГ”.
Главниот судија на мечот, Василије Љумовиќ, подели дури 10 црвени картони – шест на играчите од Стариот Аеродром и четири на фудбалерите од Беране.
Делегатот на натпреварот бил принуден да ја повика полицијата бидејќи редарската служба не успеала да ја спречи ескалацијата на судирот.
Полицијата дошла и веднаш на лице место ги уапсила учесниците на срамниот инцидент.
Учество во игри на среќа е дозволено за лица со 18+ години. Играј одговорно!