Веста на денот во Каталонија е – Роналд Араухо!

Еден од капитените на Барселона, Роналд Араухо, денес ќе му се приклучи на остатокот од тимот на тренинзите на првиот состав.

По кратката пауза која ја зема поради ментални предизвици, панични напади и анксиозност, што го поттикна да побара духовно обновување на патување во Ерусалим, Роналд Араухо од денес повторно ќе биде на располагање на Ханси Флик.

Играчите со раширени раце го дочекуваат Араухо, бидејќи сите го гледаат како важен заради неговите лидерски способности.

Уругваецот го одигра последниот натпревар на 25 ноември против Челзи, кога доби црвен картон и се најде на удар на бројни критики од навивачите.

Араухо почувствува дека се наоѓа под голем притисок, а неговите агенти побарале од спортскиот директор Деко привремено повлекување за да може да се посвети на својот ментален опоравок.

Извори блиски до клубот велат дека враќањето на тренинзите не значи веднаш вклучување во составот и дека ќе биде потребно постепено враќање во натпреварувачката кондиција.

Се сомнева дека ќе биде дел од тимот за градското дерби со Еспањол на 3 јануари, но сигурно ќе биде дел од екипата што патува за Саудиска Арабија, каде што ќе се одржи новото издание на Суперкупот на Шпанија.