Разводот меѓу Мауро Икарди и Ванда Нара, кој се води пред италијанските судови, се претвора во вистинска правна битка – а најновите детали би можеле целосно да го променат текот на процесот.
Зошто проблемот со улични кучиња СÈ УШТЕ постои? | Уште еден поткаст
Според информациите што ги објави новинарот Густаво Мендез во емисијата “Мухерес Аргентинас”, Икарди е решен да докаже дека Ванда била неверна за време на бракот, што според италијанскиот закон би можело да има сериозни финансиски последици за неа.
– Тоа што ми јавуваат е дека, ако се потврди прељубата, а Мауро е уверен дека ќе се потврди, Ванда ќе мора да го издржува Икарди сѐ додека тој не се ожени повторно – изјави Мендез.
Наводно, правниот тим на Икарди подготвува докази за наводните афери на Ванда со тројца мажи: фудбалерот Федерик Фацијо, Кеита Балде (чиишто афера ја потврди неговата сопруга Симона во ТВ интервју) и пејачот Л-Ганте, со кого Ванда, како што тврди Мендез, наводно започнала врска уште во 2022 година.
Освен тоа, адвокатката Маријана Галего истакна дека тимот на Икарди се обидува да го оспори и предбрачниот договор потпишан во 2021 година за време на познатиот “Чајна-гејт” скандал. Тогаш договорот бил претставен како начин да се заштити имотот и интересите на двете страни, но сега се тврди дека Ванда го потпишала под притисок.
Учество во игри на среќа е дозволено за лица со 18+ години. Играј одговорно!