Валенсија на продажба за 400 милиони евра

Валенсија, која е во опасност да испадне, се продава, објави емисијата „Ел Партидасо де КОПЕ“. Според информациите, сопственикот на клубот Питер Лим бара 400 милиони евра за неговиот пакет акции од 91,5%.

Бизнисменот од Сингапур е мнозинскиот сопственик уште од 2014 година. Во време на неговото управување, Валенсија забележува значителен пад во играта и резултатите, при што единствено освои една Купа на Шпанија (2018/19).

Во последните пет години, “лилјаците” не завршиле повисоко од деветтото место во Ла Лига Ова предизвика напнатости меѓу Лим и фановите на “лилјаците”, кои долго време бараат негово повлекување.

Во тековната сезона, Валенсија се бори за опстанок, откако има само пет победи во 25 круга.