Утрово е донесена одлука дали Мурињо ќе го преземе Реал Мадрид

Веќе долго се зборува дека Жозе Мурињо од следната сезона повторно ќе биде тренер на клупата на Реал Мадрид.

Во последните неколку дена најголемите светски медиуми известуваа за наводни состаноци, но никој не донесе повеќе за одлуката, барем досега.

Жозе Мурињо ќе биде новиот тренер на Реал Мадрид, тврдат португалските медиуми.

Договорот беше финализиран доцна синоќа, а информациите до медиумите стигнаа рано утрово.

Наводно, Мурињо како нов тренер на Реал Мадрид ќе биде претставен веќе следната недела.

Мурињо рано утрово го известил за сето ова и Руи Коста, и сега на сите им е јасно дека тој нема да остане во Бенфика.

Руи Коста се обиде да направи се за да Мурињо остане на клупата на овој клуб, но тоа не му успеа.

Бенфика ќе добие седум милиони евра компензација од Реал Мадрид, а веќе е јасно и кој ќе биде новиот тренер на клубот.