Тухел во жестока дискусија со Пикфорд. “Прави како што ти реков”

Селекторот на англиската репрезентација, Томас Тухел, се најде во интензивна дебата со Џордан Пикфорд за време на отворањето на Светското првенство, каде што Англија ја совлада Хрватска со резултат од 4:2.

Во градот Далас, по повтореното изведување на пеналт од Хари Кејн, Англија дојде до водство, а кратко потоа се случи конфликт кој камерите не го забележаа. Џеф Шривс, новинар на Фокс, објави дека селекторот на Англија му извикал на својот чувар на голот: “Прави како што ти реков!”.

Според Шривс, Пикфорд одоговорил на Тухел, кој, по сè изгледа, го критикувал поради непочитувањето на неговите инструкции при изградба на нападот од задната линија и затоа што топката ја упатил во погрешен правец, пренесуваат англиските медиуми. Англија, како еден од фаворитите за светска титула, и Хрватска се наоѓаат во иста група со Гана и Панама.

Да потсетиме, Англија ја победи Хрватска со два гола на Хари Кејн и со погодоци на Џуд Белингам и Маркус Рашфорд. За Хрватска, погодоци постигнаа Мартин Батурина и Петар Муса.