Тренерот на Милан ја напушти прес конференцијата по едно прашање: Доста е, заминувам!

Милан синоќа загуби на гостување кај Феенорд (0-1) во првиот меч од плејофот за осминафиналето на Лигата на шампионите.

По натпреварот пред новинарите излезе тренерот на Милан Серхио Консеисао, кого го налути тоа што мораше да чека 15 минути за прес-конференцијата, па излезе по само едно прашање:

„Знаевме каква атмосфера не очекува, знаевме колку се агресивни. Натпреварите дефинитивно стануваат полесни ако ги добивате дуелите. Влеговме во натпреварот со шанса на Рејндерс, а потоа примивме гол. Такви работи се случуваат. Ова не беше среќен натпревар за нас, требаше да направиме повеќе. Имавме шанси барем да изедначиме, но сега е доста. Чекав 15 минути за да проговорам, а сега заминувам“, рече лутиот тренер на Милан.

Консеисао е поранешен тренер на Порто, а во Милан е неодамна пристигнат и барем засега не му оди најдобро.