Тен Хаг се враќа во татковината – ќе тренира голем ривал на Ајакс

Холандскиот стратег Ерик Тен Хаг наскоро би можел да се врати на тренерската сцена, а најновите шпекулации го поврзуваат со преземање на еден од најголемите ривали на неговиот поранешен клуб, Ајакс.

Феенорд е во потрага по нов тренер откако пред два дена му врачи отказ на данскиот стручњак Бриан Приске. Раководството на клубот активно разгледува опции за негов наследник, а Тен Хаг се споменува како еден од најсериозните кандидати.

Во меѓувреме, тимот е привремено предводен од Паскал Боскарт, кој вечерва ќе ја има тешката задача да го води Феенорд против Милан во натпревар од Лигата на шампионите.