Патот на Квитова: Пред три години и кажуваа дека нема да може да држи рекет, а денес играше финале!

Пред три години, Петра Квитова беше нападната од непознат сторител и малку недостасуваше и да остане без прсти на левата рака.

Сепак, Квитова не се откажа и на овогодинешниот Австралија Опен стигна до финалето каде што беше поразена од Наоми Осака.

„Тешко ми е повредена ми е раката додека се бранев. Потресена сум, но и среќна што сум воопшто жива“, напиша Петра Квитова пред три години на Твитер.

Операцијата за спасување на нејзините прсти траеше четири часа и докторите успеаа.

Квитова на тренингот му се врати после пет месеци, но двократната освојувачка на Грен Слем после враќањето никако не можеше понатаму после четвртфиналето на некој од четирите најголеми турнири. Се до сега кога стигна до финалето на Австралија Опен.

На патот до финалето помина шест противници и не им пропушти ниту сет.

Мечот за трофеј, но за светски број 1, беше еден од најдраматичните во последните години. Осака ја победи Квитова со 7:6, 5:7, 6:4.

Во говорот на церемонијата при прогласувањето на победничката, Квитова истакна:

„Сакав да победам и да го подигнам трофејот. Но, мислам дека веќе победив. Кога се вратив на тенисот пред две години. За мене тоа беше чудесен потфат. Бидејќи не бев сигурна дали воопшто ќе држам рекет во раката“.

"We didn't even know if I would be able to hold the racquet again."@Petra_Kvitova's comeback story is one in a million ?#AusOpen pic.twitter.com/XLz2tc703i

— #AusOpen (@AustralianOpen) January 26, 2019

И се поклони и победничката Осака.

„Петра, сакам да ти честитам. Помина толку многу. Секогаш сакав да играм со тебе. Но искрено, не сакав нашиот прв меч да биде оној во кој едната мора да подигне трофеј, а втората да изгуби“.

"Huge congrats to Petra. I've always wanted to play you. You've been through so much, honestly I wouldn't have wanted this to be our first match."@Naomi_Osaka_ is all class ?#AusOpen pic.twitter.com/8WxY6PVNc2

— #AusOpen (@AustralianOpen) January 26, 2019

Овој Грен Слем дефинитивно има две победнички!