Teн Хаг: Јас сум човекот кој ќе ја врати славата на Јунајтед

Манчестер јунајтед загуби во првото коло од Брајтон со 1-2 на домашен терен, но тренерот Ерик Тен Хаг смета дека е вистински човек за да ја врати славата на поранешниот англиски шампион.

Тен Хаг во разговор со „Скај Спортс“ зборуваше за можностите на екипата на Јунајтед и кажа дека ќе освојат барем една титула ако остане четири години во клубот.

„Не можам да барам трпение од навивачите, но се надевам дека ќе имаат разбирање. Ако сакаат победнички тим, тогаш ќе го добијат. Ако бидам тренер четири години, сигурен сум дека ќе освоиме барем една титула“, вели тренерот.

Јунајтед денеска од 18.30 часот гостува кај Брентфорд и Тен Хаг се надева дека ќе има повеќе среќа, па ќе ја запише првата победа во Премиерлигата.