Teн Хаг им одговори на критичарите кои тврдат дека ќе биде сменет

Поради лошите резултати, Ерик Тен Хаг се соочува со сериозни критики и често се пишува за негова можна смена од кормилото на Манчестер Јунајтед.

Многумина очекуваат следната сезона да не го води тимот, меѓутоа тој се повика на тригодишниот договор и поддршката која како што вели ја има од Сер Џим Ратклиф кој од неодамна стана косопственик на тимот.

„Секојдневно имам состаноци со Рактлиф и сите лица во управата. Знам добро што правам и верувајте ми. Ние разговараме за иднината на клубот, никогаш тема не е тренерска смена. Мојот договор има важност уште три години и до мене не допираат никакви гласини. Доколку управата смета дека повеќе не треба да сум тренер, тогаш ќе се повлечам и ќе го отстапам местото на следниот што ќе дојде. Комплетната групација на Јунајтед е зад мене и ми дава поддршка“, изјави Тен Хаг.

Иако, Тен Хаг е убеден дека има поддршка, медиумите на Островот пишуваат дека клубот работи и бара негов наследник.