Tрансферот пред реализација: Манџукиќ блиску до враќање во Италија!

Хрватскиот напаѓач Марио Манџукиќ се наоѓа на чекор од потпис со екипата на Фиорентина.

Искусниот 34 годишен офанзивец доби повик од тимот од Фиренца кој тешко може да го одбие. Овој клуб му понудил договор на две години вреден три милиони евра по сезона и опција за продолжување на соработката на уште една сезона.

„СпортИталија“ тврди дека трансферот е многу блиску до реализација и дека Манџукиќ наскоро ќе биде официјално претставен како нов член на „виолетовите“.

За Манџукиќ ова ќе биде враќање во Италија после само неколку месеци во кои го носеше дресот на катарскиот Ал Духаил.

На Хрватот не му се допаднал животот во оваа земја и поради тоа одлучил да се врати во Италија. Претходно Манџукиќ го носеше дресот на Јувентус со кој освои четири титули шампион.