Tој не ја остави Борусија, но сега клубот го остава него: Марко Ројс нема да добие нов договор

Раководството на Борусија Дортмунд донело одлука која ќе ги растажи сите навивачи на овој клуб, но веројатно и голем дел од искрените љубителите на фудбалот.

Според информациите на реномираниот „Билд“, Марко Ројс нема да добие нов договор и тоа значи дека на крајот ќе си замине. Ројс веќе 12 години е дел од Борусија и помина низ многу добри и лоши моменти, а стана омилен одбивајќи бројни понуди од европските гиганти за да остане верен на Борусија во најтешкиот период.

За разлика од некои негови соиграчи го одбиваше Баерн Минхен и сосема заслужено ги освои срцата на навивачите. Сезонава настапи на 24 натпревари и постигна шест гола.

Се појавија и шпекулации за тоа кој би можел да биде негов следен клуб, наводно тоа е Борусија Менхегладбах од каде што во 2012-та пристигна во Дортмунд.