Стравичен пад на Вембанјама: Доживеа потрес на мозокот (Видео)

Кошаркарите на Сан Антонио беа изненадувачки поразени од Портланд со 106:103, но главната вест од вечерта е повредата на Виктор Вембанјама.

Во втората четвртина, Вемби се обиде да направи ролинг за да го пребари Џру Холидеј, но се сопна и во полна брзина се удри со лицето врз подот.

Тој лежеше во болка некое време, а при обидот да стане, се затетерави како кога боксерите доживуваат нокаут.

Victor Wembanyama (concussion protocol) is OUT for the remainder of the game after hitting his head on the court. pic.twitter.com/qP8tAf6osN

— NBA on NBC and Peacock (@NBAonNBC) April 22, 2026

По инцидентот, тој го напушти теренот и не се врати во игра. Согласно објавата по натпреварот, му е дијагностициран потрес на мозокот.

Според претходни искуства со слични повреди, се претпоставува дека Вемби би можел да пропушти неколку натпревари во серијата против Портланд, која е сигурно дека ќе трае барем пет дуели, бидејќи резултатот е изедначен 1-1.

Wemby’s concussion return timeline: pic.twitter.com/RCDv1M38WA

— WembyMuse (@Wemby_Muse) April 22, 2026

Според правилата на НБА, играчи кои го напуштаат натпреварот поради протокол за потрес на мозок, не може да играат барем 48 часа по инцидентот.