Стигна како големо засилување, а веќе е пред излезните врати: Алегри повеќе не смета на оваа ѕвезда

Требаше да биде еден од носителите на новиот Милан, но реалноста брзо се промени. Повредите и формата го потиснаа во втор план, а интересот од Турција станува сè поконкретен.

Кристофер Нкунку пристигна во Милан со големи очекувања и репутација како еден од најталентираните француски офанзивци на неговата генерација, но неговата епизода на Сан Сиро засега се претвора во разочарување.

Повредите сериозно го забавија неговиот развој, а континуитетот кој некогаш го красеше неговата игра денес е речиси непостоечки.

Токму поради тоа, во Милан сè почесто се размислува за разделба, и тоа значително порано од очекуваното.

Според информациите од Италија, Фенербахче веќе започнал конкретни преговори со Росонерите околу потенцијалниот трансфер на францускиот напаѓач за време на јануарскиот трансфер период.

Турскиот великан го контактирал Милан и презентирал рамковна понуда која би можела да го задоволи италијанскиот клуб, иако преговорите сè уште не се во завршна фаза.