Скандал во Лига Европа: Настапил фудбалер кој немал право, беше и еден од најважните во тимот – голем пропуст на УЕФА!

На натпреварот меѓу Лион и Утрехт на теренот играше фудбалер кој немаше дозвола и асистираше за гол.

Скандал ја потресе Лига Европа, бидејќи играч без дозвола учествуваше на натпреварот и дополнително, беше асистент за единствениот гол. Вакво нешто се случи на дуелот помеѓу Лион и Утрехт, кој заврши со победа на францускиот тим од 1:0. Натпреварот се одигра на 25 септември, кога Рашид Гезал влезе во игра во 65-та минута и во 75-та му асистираше на Танеру Тесман за победничкиот гол.

Проблемот е во тоа што алжирскиот фудбалер не смеел да биде на теренот бидејќи според правилата не добил дозвола. Утрехт поднесе жалба барајќи натпреварот да се регистрира со резултат 3:0 во нивна корист. Сепак, постојат два проблеми со ова барање.

The Rachid Ghezzal dilemma! 🚨

The Algerian forward has been UNREGISTERED from Lyon’s Europa League squad, after providing an assist against Utrecht! 👀

UEFA have conceded that he should NOT have been registered, although an appeal by Utrecht was NOT lodged within 24 hours. ❌ pic.twitter.com/sgSQQndT4E

— SleeperFootballNews (@SleeperFootNews) October 23, 2025

Како што се очекуваше, УЕФА мораше да започне истрага по поднесената жалба, но тешко дека ќе биде прифатена. Зошто? Бидејќи УЕФА е таа што ја прифати регистрацијата на Гезал кога Лион го вклучи на својот официјален список. Во моментот на регистрацијата, УЕФА беше должна да го предупреди Лион за оваа грешка, но тоа не го направи.