Скандал: Се откажаа од Лигата на шампионите на еден час пред почетокот на натпреварот

Кинескиот клуб Шандонг се откажа од Лигата на шампиони во Азија нешто повеќе од еден час пред натпреварот од Источната конференција против Улсан во Јужна Кореја, што беше потврдено од Фудбалската федерација на Азија.

Тој натпревар од последното, осмото коло од лигашката фаза требаше да започне во 11 часот по централноевропско време, а пласманот на Шандонг во нокаут фазата беше речиси сигурен бидејќи освои 10 бодови и тоа со натпревар помалку..

Во случај на пораз, само Шангај порт би можел да го престигне со неспоредливо неверојатна победа против Јокохама маринерс, нерешениот резултат би го обезбедил седмото, а победата шестото место на табелата.

Кога се работи за Улсан, корејскиот тим немаше шанси за понатамошен пласман со три бода, бидејќи во секој случај ќе останеше на последното, 11-то место.