Шварцман се расплака во родниот град и замина во пензија (Видео)

Аргентинскиот тенисер Дијего Шварцман синоќа во родниот град го одигра последниот меч во кариерата.

Во пензија го испрати Шпанецот Педро Мартинез, кој со 6:2, 6:2 го совлада во второто коло на АТП турнирот во Буенос Аирес.

Посебно впечатлив момент се случи на меч топка, кога сите навивачи станаа од столчињата и почнаа да скандираат на 32-годишниот Шварцман.

Диего емоционално реагираше и солзите беа неизбежни.

Некогаш осмиот играч во светот, за време на кариерата освои четири АТП титули, а најголем успех на гренд слем турнирите постигна со пласманот во полуфиналето на Ролан Гарос во 2020 година.

Тој најмногу играше тенис во ерата на „големата тројка“, а против Ѓоковиќ, Надал и Федерер играше вкупно 23 пати и забележа една победа против Рафаел Надал, од кого загуби дури 11 пати.

Vellos de punta.

Últimos momentos de la carrera del Peque Schwartzman. Un vídeo para la historia. pic.twitter.com/jiSgky5u7H

— José Morón (@jmgmoron) February 13, 2025