„Што мислам за Видиќ? Животно, се плашев да одам кон него!“

Поранешниот репрезентативец на Србија и капитен на Манчестер Јунајтед, Немања Видиќ, остави извонредна трага во светскиот фудбал, а за неговите фудбалски квалитети и денеска се зборува во суперлативи.

Последниот во редоследот на поранешни играчи кои ги споделиле своите импресии за некогаш бескомпромисниот дефанзивец е Џузепе Роси, поранешен италијански репрезентативец роден во САД, кој пристигна во Јунајтед во 2004 година со само 17 години.

Роси во интервју за „Калчомеркато“ нагласи дека на тренинзите на Јунајтед најтешко било токму да се мине Видиќ.

„Видиќ, ѕвер! Се плашев да одам кон него бидејќи те шутираше. Ќе те скршеше, па морав да најдам стратегија за да го поминам. Мислам дека беше еден од најдобрите стопери во последните 20 години”, истакна Роси.

Фотографија: Принтскрин