Репрезентациите на Шпанија и Португалија ќе се сретнат во финалето на Европското првенство во футсал кое се одржува во Словенија.
Португалија синоќа ја совлада Русија со 3:2 во неизвесен и интересен натпревар кој беше решен во самиот финиш. Русите дојдоа до водство преку Едер Лима во 4 минута и на полувреме беше 1:0, за после на сцена да стапи Андре Коело кој со головите во 31 и 36 минута ја донесе Португалија до водство од 2:1. Во 40 минута Коело го зголеми водството на 3:1 во моментите кога Русија играше без голман.
Веднаш потоа, Едер Лима со нов погодок погоди за 3:2, но за актуелниот светски првак и европскиот вицепрвак веќе немаше време.
Вториот полуфинален натпревар понуди одличен дуел меѓу Казакстан и Шпанија, во кој шпанците после изведување на пенали славеа со 6:5. Во регуларниот дел беше 4:4, а по продолженијата натпреварот заврши 5:5. На крајот подобро се снајдоа играчите на Шпанија, кои беа поприсебни во изведувањето на пеналите.
Големото финале на ЕП во футсал на распоредот е во недела со почеток во 20:45 часот.
Учество во игри на среќа е дозволено за лица со 18+ години. Играј одговорно!