Шпанците најавуваат: Реал Мадрид ова лето ќе се засили со Србин!

Српскиот фудбалер Милош Керкез, кој игра за репрезентацијата на Унгарија, сосема неочекувано се најде на списокот на желби на мадридскиот Реал!

Не е тајна дека Реал сака да ја освежи позицијата на левиот бек, а шпанската “Марка” наведува дека Керкез е реална опција кога станува збор за “кралскиот клуб”.

– Младиот дефанзивец, кој оваа сезона блескаше под водство на менаџерот Андони Ираола, привлече големо внимание со своите извонредни настапи. Со свои 21 година, неговата енергија и дефанзивната стабилност го направија еден од најдобрите во Премиер лигата. Неговите одлични игри не поминаа незабележани, па Реал Мадрид е заинтересиран за негово ангажирање. Кралскиот клуб сака да ја зајакне својата одбрана, а овој млад играч би можел да биде клучен дел од нивните планови за иднината – наведено е во текстот.

Керкез оваа сезона одигра 37 натпревари во сите натпреварувања за Бормут и, постигна два гола, додавајќи и шест асистенции, додека е стандарден член на унгарската репрезентација.

Целата сезона практично се поврзуваше со Ливерпул, и “Црвените” дури почнаа преговори со неговиот клуб, но прашање е што ќе се случи доколку Реал навистина одлучи да се бори за Србинов.