Шок за Германија пред почетокот на СП: Се повреди ѕвездата на Баерн

Германската фудбалска репрезентација остана без талентираниот напаѓач Ленарт Карл за претстојното Светско првенство, откако 18-годишникот доби повреда на бутот. Играчот на Баерн Минхен се повреди на последниот тренинг пред подготовителниот натпревар против САД, еден од коорганизаторите на првенството.

Карл ја започна пријателската средба против Финска во неделата, која Германија ја доби со 4:0, при што и асистираше за еден од головите. Сега, на неговото место ќе настапи Асан Уедраого, играч на РБ Лајпциг.

“Многу ми е жал за Ленарт,” изјави селекторот на Германија Јулијан Нагелсман. “Тоа што го пропушта Светското првенство е голем шок не само за него, туку и за сите нас. Мала утеха е што е млад и што има уште многу натпреварувања пред него. Би сакале да го имаме во тимот.”

“Со Асан Уедраого добиваме играч кој исто така имаше фантастичен почеток со нас. Тој е извонредно талентиран и очекуваме да игра со храброст и слобода”, додаде селекторот.